Kontestet juridike në mes Nokias finlandeze dhe Apple vazhdimin e vet do ta kenë vetëm pas dy vitesh. Gjykata kompetente në Daleware, ku kompanitë bënë paditë e veta, vendosi të shtyj dëgjimin në lidhje me paditë rreth shkeljeve të patentave për mesin e vitit 2012.
Në disa muajt e fundit Apple dhe Nokia me paditë e ndërsjella akuzonin njëri tjetrin për shkeljet e patentave – Nokia flet për rreth shtatë të tillë, derisa Apple padit kompaninë finlandeze për shkeljen e nëntë patentave. Nokia në gjykatë kërkon një miliard euro dëmshpërblim, por duket se ky rast, sikurse dhe proceset e tjera të ngjashme, do të përfundoj me një ujdi në mes palëve.

Është ky një lajm i keq për industrinë e muzikës dhe nxitësit e ligjit francez të tri vërejtjeve. Në të vërtetë, sipas studimit të universitetit të Francës, në këtë vend pirateria është në rritje përkundër rrezikut për ç’kyçje  nga Interneti që kërcënon popullatën e këtij vendi.
Edhe pse trafiku peer-to-peer nga adoptimi i ligjit kishte shënuar rënie për 17.1% në 14.6%, shkalla e piraterisë ka shënuar rritje për 3%. Hulumtuesit tërheqin vërejtjen se një pjesë e adhuruesve të përmbajtjeve ilegale trafikun P2P kishte zëvendësuar me ndonjë nga burimet tjera të materialeve, të cilët në Internet mund të gjenden me bollëk.
Gjithashtu, theksohet se gjysma e atyre që deklarohen si pirat në mënyrë legale dhe rregullisht blejnë muzikë online, e nga ata që nuk konsiderojnë vetën si të tillë blejnë muzikë vetëm në 17% të rasteve.  Përfundimi i hulumtuesve ishte se industria e muzikës me ç’kyçjen e shfrytëzuesve nga Interneti në të vërtetë do të humbas blerës, e kështu edhe të ardhurat.