Kanë kaluar dy vite nga paraqitja e Chrome-it, e shfletuesi deri sot arriti deri në versionin e gjashtë. Chrome 6 është në dispozicion në versionet për Windows Mac OS X dhe Linux.

Risi në krahasim me versionin e mëparshëm është JavaScript engine i freskuar i cili është tri herë më i shpejtë se ai i vitit 2008, theksojnë në Google. Gjithashtu, ndërfaqja e cila edhe ashtu ishte minimaliste është thjeshtësuar më tej me largimin e disa elementeve, e në përdorim është edhe ngjyra e re.

Freskimi total i pajisjeve multimediale nga Apple nuk mundi të kaloj pa ridizajnim të iTunes-it, aplikacionit qendrorë për mbushjen e të këtyre pajisjeve me përmbajtje. Ndërfaqja tani e njohur  ka marrë një facelift dhe modernizim (duke përfshirë edhe ikonën e re), e mund të vërehet edhe punë më e shpejtë e iTunes 10, veçanërisht në kompjuterët më të vjetër.