Kategoria e video kamerave të xhepit ka marrë edhe një përfaqësues – Bloggie Touch nga Sony.  Kamera është në dispozicion në dy realizime, me 4 ose 4 GB të memories. Video incizohet në rezolucion 1,920 x 1,080 piksel, e fotografitë me 12.8 megapiksel.

Dizajni i ri i kamerës ka zvogëluar numrin e tasteve harduerike, derisa me pjesën më të madhe të funksioneve menaxhohet përmes ekranit kapacitiv 3 inçësh të ndjeshëm në prekje. Kamera përkrah incizimin në orientimin horizontal dhe vertikal, e shfaqja në mënyrë automatike rregullohet varësisht nga pozita. Për incizim pa dridhje dhe për fotografitë e mprehta është përgjegjës aplikacioni për fotografi SteadyShot, e rregullimi optimal i ekspozimit mundësohet nga teknologjia e dallimit të fytyrës në kuadër.

Acer më në fund paraqiti lexuesin e tij të e-librave LumiReader. Pajisja vjen në një shtëpizë që peshon 250 gram, e është i pajisur me ekran E Ink prej 6-inçësh me rezolucion 800 x 600 piksel.

Përveç kësaj, e pranishme është edhe tastiera QWERTY, ISBN skaneri, USB porti, dhe mundësia e kyçjes në Wi-Fi. Janë përdorur 2 GB të memories interne që mjafton për deponimin e 1,500 librave, e kapaciteti mundë zgjerohet me kartelat e memories microSD.