Sipas hulumtimit të bërë nga kompania Retrevo Pulse, prezantimi i bërë nga Jobs për të shumëpriturin iPad mund ti ketë bërë më shumë dëm se dobi. Sipas hulumtimit të bërë nga ata para dhe pas prezantimit të pajisjes, numri i njerëzve që kishin dëgjuar për iPad dhe të cilët nuk dëshirojnë ta blejnë atë është rritur nga 26% në madje 52% pas 27 janarit.
Thënë të vërtetën, njëkohësisht edhe numri i atyre që dëshirojnë ta blejnë këtë pajisje është rritur trefish – nga 3% e të anketuarve në 9%.

Gjithashtu, tani kur dihen të gjitha të dhënat për pajisjen, numri i njerëzve të cilat janë të sigurt se nuk kanë nevojë për një pajisje të këtillë është rritur nga 49% në 61%, e 59% të tyre mendojnë se lidhja shtesë 3G nuk ia vlen të paguhet madje 130 dollarë më shumë.
Më shumë detaje mund të lexoni këtu.