Intel është vazhdimisht duke paraqitur procesorë të rinj nga linja Core i5 dhe i7 që punojnë me socket LGA1156 i cili edhe është socketi aktual. Por që nga koha e Pentium 4, procesorët për socket LGA775 ende përbëjnë rreth 77 për qind të shitjes së çipave nga Intel.
Modelet nga linja Core 2 Duo dhe Quad si dhe Pentium janë ende të popullarizuar në mesin e shfrytëzuesve, derisa kompania ende është duke pritur shitje të mirë deri kah fundi i vitit. Përqindja sipas parashikimeve të Intel deri në atë kohë do të duhej të shënoi rënie deri në 50 për qind duke i lënë gjithnjë e më shumë hapësirë zgjidhjeve më moderne.

Momentalisht procesorët për LGA1156 mbajnë rreth 18 për qind të krejt dërgesave në Intel, e në vendin e tretë me 5 për qind është gjenerata e parë e procesorëve Atom, me trend të rritjes deri në 7 për qind deri në fund të vitit.
Çipat me popullaritetin më të ulët janë ata për sllotin LGA1366 (një për qind e dërgesave), gjë që nuk çudit duke pasur parasysh çmimin e lartë të procesorëve dhe pjesës tjetër të platformës si dhe blerësit potencial.